Comentarios
En vésperas do Día Internacional da Discapacidade, 3 de decembro, a Federación de Asociacións de Discapacitados Físicos de Ourense (Discafis-COGAMI) e mailo Centro Comercial Aberto Ourense Centro, asinan un convenio de colaboración en actividades encamiñadas á eliminación de barreiras e traballo pola integración das persoas con discapacidade.
Ambos organismos deciden, pois traballar conxuntamente na defensa dos intereses das persoas con mobilidade reducida, de maneira que apostan por impulsar un programa de accesibilidade e eliminación de barreiras arquitectónicas que está levando adiante Discafis-COGAMI.
Mediante este acordo, asinado polo Presidente do Centro Comercial Aberto Ourense Centro, Luís Rivera Fernández e a Presidenta de Discafis-COGAMI,Laura Quintas, ámbalas organizacións comprométense a intercambiar información para desta forma intentar mellorar a accesibilidade dos establecementos comerciais.
